Қырғызстанның Ыстықкөл ауданындағы тәртіп сақшыларының жол апатын азайтудағы оғаштау тәсілі жайлы аталған аймақтағы Жол қозғалысы қауіпсіздігін қамтамасыз ету басқармасының баспасөз қызметі мәлімдеді. KaktusMedia хабарлағандай, тәртіп сақшылары жол-көлік оқиғалары болмасын деген ниетпен мал сойған. Ет пен басқа да азық-түлік өнімдері көп балалы және аз қамтылған отбасыларға таратылды. Басқарма мамандары құрбандық шалудың жол апатымен күрестегі жалғыз тәсіл еместігін айтты. Қой сойған патрульдік қызметкерлер жергілікті тұрғындарға түсіндіру жұмыстарын жүргізіп, жүргізушілерді жол ережелерін бұзбауға шақырды.
Айтпақшы, осыдан жиырма жыл бұрын Алматылықтар жол апатын азайтар деген ниетпен жерге сиқырлы үшкіл тастарды көмген болатын. Алайда жол жағдайын жақсартуға күрделі көше қиылыстарына қойылған бағдаршамдар көмектескен еді.
Комментариев: 0