Қытайдың Xpeng маркасы өз елінде P7+ моделіне сервистік кампания жариялады. CarNewsChina хабарлағандай, шара 47.5 мың автомобильді қамтиды, бұл көліктің қазірге дейін жарық көрген жалпы санының тең жартысы. Рөл күшейткіштегі ақауға байланысты көлік басқарудан шығып кетуі ықтимал.
Марка модельдің рөл күшейткішіндегі электромотор сезгегінен кемшілік табылғанын айтты. Салдарынан аспаптар панелінде ескерту белгісі жануы не тіпті механизм толық істен шығып, жол апатына әкелуі мүмкін.
Компания 2024 жылғы 20 тамыз бен 2025 жылғы 27 сәуір аралығында шыққан барлық электрокарды кері шақырып отыр, мамандар техниканы тексеріп, қажет болса жөндейді. Марка оларға қазір P7+ моделіне қолданып жүрген ең жаңа компонентті орнатуға уәде беріп отыр.
Басылым Xpeng бұған дейін сервистік кампания жарияламай, проблеманы жасырын шешуге тырысқанын атап өтті. Яғни, көлікке жоспарлы техникалық қызмет көрсеткен кезде жасырын тексеруді немесе тек шағым түсіргендердің машинасын жөндеуді жоспарлаған. Компания осы арқылы өз өнімінде жүйелі ақау барын мойындамай, қаржысы мен беделін қорғауды ойлапты. Проблема туралы жергілікті БАҚ жаза бастаған соң ғана сервистік кампания жариялауға мәжбүр болды.
Комментариев: 0