Xpeng сырттай Range Rover-ге қатты ұқсайтын GX индексті ірі моделін ресми түрде таныстыруға дайындалып жатыр. Экстерьері қандай болатынын ақпанда білгенбіз, енді бренд салонының суретін жариялады.
GX-тің іші Қытай автомобильдеріне тән стильде жасалған. Ортада тұрған 17.3 дюймдік ірі дисплей күнқағарға кіріккен шағын аспаптар панелімен үйлесімді көрінеді. Алдыңғы орындықтардың арасына жайғасқан ортаңғы консольде батырма да, ауыстырып қосқыш та жоқ, бірақ бірнеше сымсыз қуаттағышпен жабдықталған.
Екінші қатарға мамандар массаж функциясына ие екі кресло орнатыпты, мұнда климатты баптайтын бөлек экран мен төбеде медиакешен дисплейі бар. Үшінші қатарға тағы екі жолаушы сыяды.
Салондағы басты ерекшелік — күн сәулесін өткізу қабілетін өзгерте алатын артқы әйнектер. Оны күңгірттеуге нәбәрі 0.16 секунд кетеді екен, бұл функцияны жасанды интеллект басқарады.
Машинаның техникасына қатысты да бірқатар мәлімет шықты. Ұзындығы — 5265 мм, дөңгелек базасы — 3115 мм. Гибридтегі күштік құрылым 1.5 литрлік іштен жанатын қозғалтқыш пен 218 және 286 ат күшін беретін екі электромотордан тұрады. Электрлі машина 367 ат күшіне ие агрегатымен 750 шақырымды еркін еңсерсе, бензоэлектрлі көлік 320 км жүреді.
Марка жаңа өнімді жуырда өз отанында таныстырады. Болжамды бағасы — 400 000 юань (27.9 млн теңге).
Комментариев: 0