Xiaomi YU7 GT Нюрбургрингте жаңа рекорд орнатты

Мамырда шабандоз Жэнь Чжоукан мінген Track Package пакетімен жабдықталған Xiaomi YU7 GT «Нордшляйфені» 7 минут 34 секундта жүріп өткен, машинаның орташа жылдамдығы 164.8 км/сағ болды. Осылайша модель өз катагориясында рекорд жаңартқан.

Жақында Xiaomi осы трассада YU7 GT-дің автопилотын сынап көрді. Инженерлер «Нордшляйфенің» HD-картасын сантиметрлік дәлдікпен жасады, сынақ кезінде батареялы кроссовердің лидары мен камерасы осы картамен үздіксіз байланыста болды.

Мұқият дайындық пен озық аппараттарға қарамастан, нәтиже аса керемет емес. Автомобиль межеге 10 минут 29 секундта жетті, орташа жылдамдығы — 119 км/сағ. Яғни автономды YU7-нің көрсеткіші Top Gear түсірілімі кезінде марқұм Сабина Шмитц мінген Ford Transit фургонының нәтижесімен шамалас.