Xiaomi SU7 седанының жаңа модификациясы сынақтан өтіп жатыр. CarNewsChina бұған тыңшылар түсірген фото дәлел деп жазды. Онда дөңгелек базасы ұлғайған SU7 бейнеленген. Бірақ компания модель туралы ресми ақпарат таратқан жоқ.
Алдын ала мәлімет бойынша машинаның шанағы ұзарып, шатыр жұмырланады, екінші қатардағы жолаушылардың аяқ тұсындағы жер кеңейеді.
Тағы бір болжам бойынша уақытша SU7 L атауын алған автомобильді марка қазіргі модельдің сымбаттырақ түрленімі ретінде ұсынады. Сол себепті борттағы жабдықтар тізіміне осы сегментке тән жеке кресло, қосымша дисплей, тоңазытқыш, жақсырақ акустика сияқты дүниелер енуі мүмкін.
Басылым Xiaomi
Прототиптің көшеде жүруі бренд анағұрлым ауқымды жоспар құрғанын аңғартады. Біраз уақыт бұрын гибрид құрылымы бар ірі кроссовер жолға шығады деген сыбыс тараған, компания тіпті өнімдерін Еуропаға жөнелтуге дайындалып жатыр екен.
Комментариев: 0