Xiaomi қуатты SU7 Ultra-ны Қытайдағы дилерлерге жөнелтті

Қытайдағы БАҚ мәліметінше, Xiaomi дилерлеріне SU7 Ultra седанының демо-үлгілерін жіберді. Бренд мұндай электромобильдің жаппай өндірісі басталғанын әлі ресми хабарламады. Xiaomi бұл көлікті әлемдегі ең жылдам седан деп атады, оның саудасы наурызда басталуға тиіс.

1 / 5

• 
• 
• 
• 
• 

1 / 5

Ultra 1548 ат күшіне ие үш күштік құрылымымен ерекшеленеді. Онымен автомобиль алғашқы жүздікті 1.98 секундта еңсереді, ал максимал жылдамдығы 350 км/сағ-тан асады. Ресми деректерге сәйкес, ширек мильді 9.23 секундта жүріп өтеді. Бұл модификацияға 93.7 кВт·сағ батарея орнатылған, жүріс қоры 620 шақырымға жетеді. Аккумуляторды 10-нан 80 %-ға дейін 11 минутта толтыруға болады.

1 / 5

• 
• 
• 
• 
• 

1 / 5

SU7 Ultra сұсты аэродинамикалық бастырық, спорттық интерьер және карбон-керамикалы Akebono тежеуішімен жабдықталған. Компания өкілдері бұл сериялық көліктердегі ең үлкені деді. Электромобильге 100 км/сағ жылдамдықта тоқтау үшін небәрі 30.8 метр қажет.

Демо-нұсқаны Қытайдың 42 қаласындағы 112 дилер алған. Жергілікті басылымдар Xiaomi SU7 Ultra-ның жаппай өндірісі басталып кеткенін хабарлады. Ақпанның басында Бейжіңдегі Xiaomi зауытының паркингінде тұрған седанның суреттері тарады. Бренд электрокарға сұраныс жоғары болады деп үміттеніп отыр және саудаға шығармай тұрып қойма қорын толтыруға тырысып жатқан сияқты. Қарапайым SU7-нің өндіріс көлемі ұлғайса да, кезек әлі бірнеше айға созылып жатыр.

Компания SU7 Ultra нарыққа шыққанда құнын жариялауы мүмкін. Былтыр күзде алдын ала тапсырыс қабылдау басталғанда бағасы 814 900 юань (58 млн теңге) болған.