Xiaomi кроссоверінің жаңа суреттері жарияланды

Лэй Цзюнь Xiaomi YU7 нарыққа ресми шықпай тұрып фотосын көрсетті. Жаңа өнім жолда, адамдар мен гүлдеген ағаштар арасында тұр. Электрокардың саудасы жазда басталады, болжамды бағасы — 300 мың юань (шамамен 21 млн теңге).

Өлшемдері — 4999×1996×1608 мм, дөңгелек базасы 3 метр болатын кроссовер Lexus RX-тен сәл үлкен. Шанақ стилі Ferrari Purosangue сияқты еуропалық брендтердің бірнеше моделіне ұқсайды, бірақ жалпы дизайны өзімен платформалас седанға жақын. Компания кроссоверді алатындарға әртүрлі жақсарту мүмкіндігін ұсынады.

1 / 5

• 
• 
• 
• 
• 

1 / 5

YU7-нің базалық нұсқалары артқы жетекті және 320 ат күшіне ие қозғалтқышпен жабдықталады. Қымбатырақ автомобильдің алдыңғы және артқы осіндегі моторлар 299 және 392 ат күшін береді. Мұндай YU7-нің максимал жылдамдығы — 253 км/сағ. Литий-темір-фосфатты және никель-кобальт-марганецті аккумуляторлардың арқасында жүріс қоры 657-770 шақырымға жетеді.

1 / 7

• 
• 
• 
• 
• 
• 
• 

1 / 7

YU7 Бейжіңдегі зауытта жасалады. Xiaomi электромобильдеріне сұраныс жоғары екенін ескере отырып, биыл 350 мың көлік сатуды жоспарлап отыр.