Volvo Қытайда XC70-тің жаңа буынын таныстырды. Бұрын универсал болған модель толыққанды кроссоверге айналды. Қытайда бұл сегментке сұраныс жоғары. Машина гибрид күштік құрылыммен жүреді. Модельдің бағасы 299 900–329 900 юань (22.55–24.8 млн теңге) шамасында.
Жаңа кроссовердің ұзындығы — 4815 мм, дөңгелек базасы — 2895 мм, ол XC60 пен
Интерьерде физикалық батырма өте аз. Функциялардың көбін 15.4 дюймдік ортаңғы экран басқарады. Сондай-ақ 12.3 дюймдік аспаптар панелі мен алдыңғы әйнекке түсетін проекция бар. Ортаңғы консольдің жоғарғы бөлігін жылжытуға болады. Электрондық көмекшілер кешені 24 сезгекті қамтиды, оның кейбір функциясы 150 км/сағ жылдамдықта жұмыс істейді.
Кроссовер SMA платформасын алады. Капот астына 163 ат күшіне ие 1.5 литрлік турбомоторға негізделген екі түрлі күштік құрылым жайғасады. Базалық нұсқасы алдыңғы осьтегі электромотор (143 а.к.) және 21.2 киловатт батареямен жабдықталған. Мұндай XC70 алғашқы жүздікті 8 секундта еңсереді, электр қуатымен 116 км жүреді.
Үздік түрленімі артқы осьтегі 212 ат күшін беретін тағы бір электромотор және 39.6 кВт⋅сағ батареямен ерекшеленеді. Мұндай машина электр қуатымен 180 км қозғалады, 5.28 секундта жүзге дейін жылдамдық алады. Екеуінің де ең жоғары жылдамдығы — 180 км/сағ, жалпы жүріс қоры — 1200 км.
Қытайда жаңа XC70 биыл қыркүйектің аяғында саудаға шығады. Гибрид Еуропада сатылатыны анық, бірақ ол жаққа қашан жететіні белгісіз.
Комментариев: 0