Швед компаниясының инженерлері жарты ғасыр бойы жиналған мыңдаған жол апатының дерекқорын талдай отырып, қауіпсіздік белдігін жақсартып, оның қызметін жаңа деңгейге көтерді.
Пластмасса ілмегі бар мата таспасынан жасалған жаңа қауіпсіздік белдігі электронды басқару механизмі бар күрделі құрылымға айналды. Соның арқасында компьютер жол апаты болғанда автомобильдің сыртқы және ішкі сезгектерінен алған деректі миллисекундта өңдеп, белдіктің оңтайлы параметрін анықтайды әрі адам денесін ең қауіпсіз позицияда бекітеді.
Volvo-ның бейімді қауіпсіздік белдігінде қазіргідей 3 емес, 11 алдын ала орнату параметрі болады, оның бағдарламалық жасақтамасы қашықтан жаңарады. Марка мұндай белдікті 2026–2027 жылдары жарық көретін батареялы Volvo EX60 кроссоверіне орнатады.
Комментариев: 0