Ширек ғасыр бұрын Volkswagen концерні құрылымы әртүрлі қозғалтқыштарды сынақтан өткізді. Сол кезде Bentley-ге арналған W12, Bugatti-ге арналған W16 жарық көрді. Бірақ бір жоба сериялы өндіріске шықпай қалған. Компания Фердинанд Пиехтің ұсынысымен эксперимент түрінде W10 жасады, мотор 5-сериялы BMW-ға қойылған, сол ерекше машина жақында саудаға шықты.
Фердинанд Пиех 2000 жылдардың басында BMW M5-ке бәсекелес болатын спортседан жасауды ұсынған. Жолға шығуы мүмкін жаңа өнімге арналған W10 моторы әзірленді. Кей дереккөз мұндай агрегаттың үш данасы ғана жасалғанын хабарлады, мамандар оның екеуін зерттеуге пайдаланып, үшіншісін сынақ машинасына орнатқан.
BMW M5-ті таңдаудың бірнеше себебі бар. Ол кезде Volkswagen-нің бұл мақсатқа сай келетін өз шассиі болған жоқ. Сондай-ақ марка болашақтағы бәсекені ойлап, өз қозғалтқышын сынаумен бірге бавариялық седанның жүріс сипаттамасын зерттеуді жоспарлаған. Фердинанд Пиех сынақ прототипін жеке көлігі ретінде біраз уақыт пайдаланған көрінеді. Жаңа мотор 500 ат күшін беретін, бұл стандарт M5-тен (E39) 100 ат күшіне артық болды. Бірақ жоба жалғасын тапқан жоқ. Мамандар агрегат құрылымы тым оғаш деп шешкен болуы мүмкін.
Жоба тоқтаған соң барлық қозғалтқыш пен автомобиль жойылуы керек еді, бірақ белгісіз себеппен Volkswagen жасаған ерекше BMW M5 аман қалыпты әрі әлі жүріп тұр екен. Оны саудаға қойған GDM Motors спорт командасы автомобильдің бағасын жариялаған жоқ. Ал Drive Tribe оның құны Ferrari Purosangue моделімен шамалас болады деп болжады.
Комментариев: 0