Volkswagen жақында жаңа T-Roc-ты таныстырады

Бренд T-Roc-тың екінші буынын күзде өтетін Мюнхендегі автосалонда көрсетеді, ал онлайн премьерасын 27 тамызға жоспарлаған. Оған дейін серия алды көліктің суретін жария етуді жөн көріпті.

Модельдің іші-сырты қандай болатыны осы айдың басында анықталған. Сол кезде жабық презентацияға қатысқандар түсіріп алған бірнеше фото желіде тарады.

1 / 7

• 
• 
• 
• 
• 
• 
• 

1 / 7

Техникасын сөз етсек, жаңа T-Roc алдында бензинді турбомотор, артында электромотор тұратын өздігінен қуатталатын гибрид ретінде сатылады. Соңғысы артқы дөңгелекті өз бетінше айналдыра алады, бұл іштен жанатын қозғалтқышы бар көлік кіре алмайтын аймақта қажетке жарайды. Одан бөлек 1.5 литрлік турбомотор мен 48 вольттық стартёр-генератор алған eTSI жұмсақ гибриді болады.

Машинаның Еуропаға арналған нұсқасына ел ерекше назар аударып отыр. Өйткені кроссовер қарт құрлықта өте танымал. Алты айда мұнда 106 118 T-Roc өткен. Сол үшін модель концерннің даму туралы стратегиясынан ерекше орын алды.

Carscoops дерегінше автомобильдің SSP платформасына негізделген, тек электр күшімен жүретін түрленімі шығады. Оған марка 4-деңгейлі автономды басқару жүйесін орнатады.