Былтыр таныстырылған Volkswagen Taos келесі айда АҚШ-та сатылымға шығады. Бағасы 24 000 доллардан басталады. Бұл бағаға сегіз сатылы автоматпен жұмыс істейтін 1.5 литрлік турбомотор (160 ат күші және 249 нм) қойылған алдыңғы жетекті нұсқасын ала аласыз. Ал дәл осы мотор орнатылған, бірақ толық жетекті нұсқасының құны 28 мың доллар. Мұндай көлікке 7 диапазонды робот орнатылады.
Модельдің жарық көруіне орай, Volkswagen-нің калифорниялық студиясындағы дизайнерлер Basecamp көріністік үлгісін әзірледі. Ол стандарт модельден күшейтілген аспасымен, мықты пластиктен жасалған қорғаныс бастырығымен, дөңгелек аркасын кеңейткішімен және топырақта жақсы жүретін дөңгелегімен ерекшеленеді. Көліктің төбесіне жарықдиодты шамы бар экспедициялық жүксалғыш, ал жолаушылар мен багаж бөлімінің арасына ыңғайлы тор орнатылған.
Volkswagen модельдің жаңа нұсқасын нарыққа шығару жоспарына қатысты ақпарат бермеді. Алайда Basecamp марка кроссоверлеріне арналған фирмалық аксессуарлар топтамасы екенін ескерсек, көліктегі көп дүниені конфигураторда құрастыруға болатын сияқты.
Volkswagen Taos-тың ресейлік нұсқасы биыл жазда не күзде жарық көреді. Кроссовер 110 ат күшіне ие 1.6 литрлік атмосфералы мотор немесе 150 ат күші бар 1.5 литрлік турбомотомен ұсынылады. Жақында Шарын шатқалы маңында Ресейге арналған Taos-тың жарнамалық түсірілімі өтті.
Комментариев: 0