Multivan, Caravelle, Transporter және California модельдерінен тұратын Volkswagen T6 топтамасы 2015 жылдан бері шығып келеді. Оны жаңарту жөнінде шешім қабылдаған компания T7 индексті көліктің алғашқы тизерін жариялады. Суреттен машинаның толық жаңарғаны байқалады.
Темір тұлпардың алдыңғы бөлігі ғана түсірілген сурет күңгірт болса да, оның түр-сипаты құпия емес. Өйткені тұмшаланған Multivan фото-тыңшылардың назарына талай іліккен. Ол суреттерден жаңа көліктің Т6-дан өзгеше екенін көруге болады, ал интерьері Golf 8-ді еске салады.
Техникалық жағына қатысты да аз-кем ақпарат бар. Жолаушы тасымалдайтын Т7 MQB платформасына негізделеді. Ал жүк көліктері Ford Transit-пен бір «қаңқаны» бөліседі. Капот астына 2 литрлік турбодизель қойылады. Гибрид нұсқалары мен электрлі түрленімі болуы мүмкін.
Volkswagen T7-нің жұрт назарына қашан ұсынылатыны белгісіз, бірақ көп ұзамай көрсетіледі деген болжам бар.
Комментариев: 0