Volkswagen T-Roc жуырда буын алмастырады. Қытайдағы басылымдар көліктің іші-сырты қалай өзгеретінін көрсететін бірнеше сурет жариялады. Модельдің ресми тұсаукесері қыркүйектің басында Мюнхендегі автосалонда өтуге тиіс.
Суреттен кроссовер аздап ұлғайғаны байқалады. Жалпы бізге таныс шанақ пішіні сақталғанмен өңі жақсарып, технологияға толы болатын сияқты.
Интерьеріне мамандар қазір жолда жүрген «фольксвагендердің» ішкі элементтерін көшірген. Жол талғамайтын көлікке заманға сай аспаптар панелін, ірілеу ортаңғы экран мен физикалық батырмалары бар үш шабақты рөл орнатыпты. Климат баптағышты басқаратын блок та өзгеруі мүмкін.
Фотодағы машинаның жүксалғыш қақпағында eTSI деген тақтайша тұр. Басылым бұл кроссовер жұмсақ гибрид күштік құрылым алатынын білдірсе керек деп топшылады, мысалы, ол 48 вольттық стартер-генератормен жұмыс істейтін 1.5 литрлік турбомотормен жүруі ықтимал. Автомобиль
Екінші буындағы
Комментариев: 0