Volkswagen-нің ең арзан электрокарының сипаттамасы белгілі болды

Volkswagen Еуропа нарығында ең арзан электрокарға айналатын жаңа модельдің сынағы жақында аяқталатынын хабарлады. Бес есікті көлік ID. Polo ретінде саудаға шығады. Бастапқы кезеңде автомобиль үш түрлі мотор және екі аккумулятормен жабдықталады, кейін 2026 жылдың ішінде ең қуатты нұсқасы жарық көреді. Ол Volkswagen тарихындағы алғашқы батареялы GTI атанады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Volkswagen ID. Polo-ның мотор гаммасына кіретін қозғалтқыштар 116, 135 немесе 211 ат күшін береді. Электрокар тек алдыңғы жетекті болады, тіпті GTI нұсқасында толық жетек жүйесі жоқ. Ең арзан екі түрленім 37 киловаттық литий-темір-фосфатты батарея алады, қуаты 200 ат күшінен асатын модификациялар 52 киловатттық никель-марганец-кобальтты аккумулятор көмегімен қозғалады, жүріс қоры 450 шақырымға жетеді. Батареяларды 90 және 130 кВт токпен жылдам қуаттай аласыз. Жаңа қозғалтқыштар мен сыйымдылығы жоғары аккумулятор ықшам әрі аз энергия тұтынады.

Шағын агрегаттардың арқасында салоны бензинді хетчтен кең. Ұзындығы — 4053 мм, ось арасындағы қашықтық — 2.6 метр. Жүксалғыш көлемі — 435–1243 литр (24 % ұлғайған). ID. Polo бұған дейін өзімен аттас модельде болмаған жүргізуші ассистенттерін алады.

Электромобильдің Еуропадағы бастапқы бағасы — 25 мың еуро (15.2 млн теңге). Концерн ID. Polo-ны платформалас хетчтермен бірге Испаниядағы зауытында құрастырады. Жаңа өнімнің премьерасы алдағы айларда өтеді.