Volkswagen электрлі ID. Cross-ты таныстырды

Volkswagen Мюнхен автосалонында ID. Cross кроссоверін таныстырды. Қазірше ол шоукар саналады, бірақ прототиптің тауар түріндегі нұсқасы шығады. Концепт шағын батареялы модельдер дизайны қандай болатынын көрсетеді. Машинаның кейбір техникалық сипаттамасы белгілі.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

ID. Cross-тың ұзындығы — 4161 мм, дөңгелек базасы — 2601 мм, жүксалғыш көлемі — 450 литр. Өлшемі бензинді T-Cross-пен шамалас, бірақ одан жаңа стильдегі сырт пішіні және арнайы жасалған 21 дюймдік дөңгелек дискісімен ерекшеленеді. Машина дизайнында Golf пен ID. Buzz элементтері де кездеседі.

1 / 8

• 
• 
• 
• 
• 
• 
• 
• 

1 / 8

Концептінің қоңыр-сарғыш материалмен қапталған интерьерінде жаңа кресло мен өзгеше рөл көзге түседі, машина салоны ұзақ жолға шыққанда жайлы болады. Медиажүйе 11 және 13 дюймдік екі дисплейден тұрады.

ID. Cross алдыңғы осьтегі 211 ат күшіне ие жалғыз электромотормен жүреді. Батареясының сыйымдылығы белгісіз, бірақ жүріс қоры 420 километрге жетеді. Ең жоғары жылдамдығы — 175 км/сағ.

Volkswagen сериялы ID. Cross-ты клиенттеріне келер жазда ұсынады. Оған дейін марка ID. Polo мен оның қуатты нұсқасы ID. Polo GTI-ді шығарады. 2027 жылы ID. Every1 концептісіне негізделген ең арзан электромобилін сата бастайды. Концерн құрамына кіретін Škoda мен Cupra да осы модель негізінде өз модельдерін өндіруі мүмкін.