Volkswagen батареялы ID. Polo-ның салонын көрсетті

Volkswagen басты жаңа өнімдерінің бірі — арзан ID. Polo-ны таныстыруға дайындалып жатыр. Бренд оны мамырда ел алдына шығарып, бір-екі айдан кейін сата бастайды. Компания біраз уақыт бұрын техникасына қатысты ақпарат берген, енді интерьерін көрсетті.

ID. Polo-ның алғашқы суретінен өндіруші ретро-тақырыпқа ден қойғаны байқалады. Себебі аспаптар панелінің дизайны 90 жылдардағы стильде жасалған. Мультимедиа кешенінің экранында да өткен дәуірдің елесі қалыпты, плеер аудиокассетаға ұқсайды.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Көлік ішінде физикалық ауыстырып қосқыш көп, климат қондырғысы да батырмалы пультпен басқарылады. Ортаңғы консольде дауысын реттейтін шайба тұр, рөлде тачпанельдер көрінбейді, олардың орнын перне басқан сияқты.

Бренд интерьерін жағымды әрі сапалы материалдармен қаптайды. Еуропада электрокар алғандарға берілетін түрлі жеңілдікті қоспағанда, модельдің бағасы 25 мың еуродан (14.9 млн теңгеге жуық) басталады.