Volkswagen концерні жаңа кроссовердің алғашқы суретін жариялады. Әлі атауы жоқ өнімді марка қазірше концепт ретінде ұсынып отыр. Ол 2026 жылы саудаға шығатын арзан электрлі кроссовердің прототипі екені белгілі.
Эскизден концепт өлшемі бойынша VW ID.2all прототипіне ұқсайтыны байқалады. Бірақ сырт пішіні өзгеше. Кроссовер басқа жарық техникасы және бамперімен ерекшеленеді, алдында қорғаныш пластинасына ұқсайтын, артында диффузор сияқты жабдық бар.
Кроссовер MEB Entry платформасына негізделеді деген ақпарат бар, VW бұл платформаны бюджеттік электромобильдер топтамасына арнап жасаған. Машинаның алдыңғы осьтегі бір қозғалтқышпен жүретін нұсқасы және екі агрегаты бар толық жетекті түрленімі жарық көреді. Жаңа өнім ID.2 хетчінің жол талғамайтын нұсқасы әрі
Машинаның ресми тұсаукесері 7 қыркүйекте өтеді. Бұған дейін Volkswagen тағы бір шағын әрі арзан моделін таныстырған, оның прототипі ID.Every1 деп аталады.
Комментариев: 0