Volkswagen бірінші буындағы Amarok-тың жаңарған нұсқасын көрсетті. Оңтүстік Америкада әлі сатылып жатқан модельдің сырт пішіні жаңарып, қауіпсіздік технологиясы пайда болды. Бірақ техникалық тұрғыдан еш өзгеріс жоқ.
Volkswagen Amarok-тың алдыңғы бөлігі марканың қазіргі дизайн стиліне сай жасалды, бренд пикапқа капот жиегінде диодты жолағы бар жаңа жарық техникасын, басқа бампер және жаңа радиатор торын орнатты. Сондай-ақ қосымша шанақ бояуы және 20 дюймдік дөңгелек дискісімен жабдықтады.
Салондағы басты өзгеріс — заманауи 9 дюймдік медиажүйе экраны және қымбат комплектацияға арналған 14 позицияда реттелетін жайлы кресло. Цифрлы аспаптар панелі жоқ, бірақ Safer Tag деп аталатын жаңа құрылғы пайда болды. Ол — борттық қауіпсіздік жүйесінің ескертулерін көрсететін алдыңғы панельде орналасқан қол сағатқа ұқсайтын кішкене экран. Сондай-ақ USB порт пен қауіпсіздік жастығының саны артты.
Volkswagen жергілікті нарықта Amarok-ты 140–258 ат күшіне ие дизельді мотормен жабдықтайды, қозғалтқыш 6 сатылы механика немесе 8 сатылы автомат қорап және әртүрлі жетек түрімен жұмыс істейді. Пикап өндірісі Аргентинадағы VW зауытында басталды, жаңа өнім кем дегенде 38 млн песо (19 млн теңге) тұрады.
Комментариев: 0