Volga C50-дің фотосуреті жарияланды

«Автопоток» Telegram-арнасы қайта жаңғырған «Волга» — Volga C50 седанының суретін көрсетті. Бұл модель Geely Preface-тің көшірмесі саналады. Сериялық нұсқада бұғы эмблема жоқ, марка атауы латын әрпімен жазылған, ал цифрлы индекс артында тұр.

Қара түсті автомобиль салмақты әрі беделді көрінеді, оны орта деңгейлі басшыларға арналған қызметтік көлік ретінде қарастыруға болады. Қытайлық түпнұсқа модельдің дизайнері — 2000 жылдары заманауи Volvo-ның сұлбасын сызған Питер Хорбери.

Volga C50-ді Нижний Новгородтағы Горький автозауыты құрастырады, машина биыл жазда саудаға шығады. Сертификат құжатына сәйкес седан 150 немесе 200 ат күшіне ие 2 литрлік бензинді турбомотормен жүреді. Қозғалтқыш жеті сатылы робот қораппен жұмыс істейді. Машина бизнес-класқа жататынын ескерсек, жабдықтар тізімінде кілтсіз ашу, автоматты тежеу, жолақта ұстау, екі аймақты климат-бақылау, 12 динамикті аудиожүйе және т.б. бар екені анық.

Компания Volga C50-ді 3–3.5 млн рубльге (19–22 млн теңге) сатады деген болжам бар. Модель Ресейде Chery Arrizo 8 және Toyota Camry-мен (Қытайдан параллель импорт арқылы келеді) бәсекелес болады.