V8 моторы бар ерекше Aston Martin сатылады

Aston Martin-нің Ұлыбританиядағы дилерлерінің бірі бірегей көлік сатып жатыр. Бұл — спорткар өндіруші компания мен Toyota концернінің күтпеген серіктестігі нәтижесінде жарық көрген 3 метрлік Cygnet хетчі. Ол тапсырыс берушінің қалауына қарай толықтай өзгерген, Vantage S қозғалтқышымен жабдықталған. Дилер бағасын жарияламады.

2000 жылдардың аяғында жасалған Aston Martin Cygnet — Toyota iQ-дің премиум нұсқасы. Компания хетчті Aston Martin иелері күнделікті қолданатын шағын машина ретінде ұсынған. Бірақ шын мәнінде бренд жапон көлігінің атауын ауыстыру арқылы өз топтамасындағы зиян шығарынды көлемін азайтпақ болды деген дерек бар.

1 / 24

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 24

Бұл эксперимент сатып алушылардың көңілінен шықпады. Үш жыл ішінде бар-жоғы 800 данасы құрастырылған, ал бастапқы жоспарға сәйкес жылына 4 мыңға жуық машина сату көзделген еді. Бірнеше жыл өткен соң иелерінің бірі оны өзгерту үшін зауытқа қайтарған.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Хетчбэк Vantage S-тің аспасын және сұсты дизайн алды. Шанаққа кіріккен қауіпсіздік каркасы мен Recaro орындықтары жүргізушінің қауіпсіздігі үшін жасалған. 430 ат күшінемие V8 қозғалтқышымен бұл шағын автомобиль алғашқы жүздікті 4.2 секундта еңсереді, ең жоғары жылдамдығы 270 км/сағ-тан асады.

Жақсарту жұмыстары қаншаға белгісіз. Бірақ супер-Cygnet иесі көлігін сирек пайдаланғаны белгілі. 2018 жылдан бері бұл хэтч 4.5 мың шақырым жүрген.