V8 моторымен жүретін Dodge Charger әдеттегі жолға шыға алмайды

Dodge өкілдері бұрын жаңа буындағы Charger-ге 8 цилиндрлі қозғалтқыш орнату техникалық тұрғыда мүмкін емес деген. Бірақ олай емес сияқты. Mopar Direct Connection бағдарламасы аясында Charger Hustle Stuff Drag Pak деп аталатын турбоүрлемді V8-бен жүретін дрэгстер жарық көрді.

Купедегі 5.8 литрлік мотор Whipple компрессоры және 3 сатылы автомат қораппен жұмыс істейді. Қозғалтқыштың нақты қуаты белгісіз, бірақ 1/4 мильді мұндай Charger 8 секундтан аз уақытта еңсереді. Демек ол алты цилиндрлі Hurricane моторымен жүретін стандарт купеге қарағанда 4 секунд жылдам. Қозғалтқыштың қуаты 1500 ат күшінен асады деген ақпарат бар.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Машина динамикасының жақсаруына салмағының жеңілдеуі әсер етті. Мамандар әдеттегі шанақ панелін карбон материалға ауыстырған. Соның арқасында дрэгстер алдыңғы буындағы Challenger Drag Pak болидінен 45 келі жеңіл. Салон онша өзгермеген, тек спорттық аспаптар панелі, көпнүктелі қауіпсіздік белдігі бар орындық және қауіпсіздік каркасы пайда болды. Аспа реттелетін амортизатор және Weld Racing дөңгелегімен толықты. Алдыңғы осьте 17 дюймдік шина, ал артында 15 дюймдік дөңгелек тұр. Одан бөлек, мамандар техникаға қуатты тежеуіш, вилли-бар және парашют орнатқан.

1 / 6

• 
• 
• 
• 
• 
• 

1 / 6

NHRA жарысына қатысу үшін сертификат алған автомобиль кем дегенде 234 995 доллар (124 млн теңге) тұрады. Алайда бұл көлікпен көшілікке арналған жолда жүруге рұқсат жоқ.