Биыл қаңтарда Kia Үндістандағы зауытына тексеру жүргізіп, автомобиль моторы кем екенін анықтады, бейнебақылау камерасындағы жазбадан оларды әлдекімдер зауыт аумағынан рұқсатсыз алып шыққаны белгілі болды.
Полиция жоғалған моторлар жалған шот-фактура және жалған рұқсат қағазы арқылы қоймадан шығып, елдегі түсті металл орталықтарына сатылғанын анықтады деп жазды Reuters. Заңсыз әрекет үш жылға жалғасып, 1008 қозғалтқыш қолды болған, компанияға 2.3 млн доллар шығын келді.
Тергеу құжатына сүйенсек, күдіктілер қатарында 33 жастағы бригадир мен 37 жастағы мотор тасымалдау бөлімінің бастығы бар. Олар ақшаны армансыз жұмсапты, мысалы, «жылжымайтын мүлік сатып алып, бизнеске инвестиция құйған». Қазір біреуі ұсталды, бірақ кепілмен босап шығуға өтініш жазыпты, екіншісін полицейлер таба алмай жатыр.
Kia осы оқиғадан сабақ алып, ішкі қауіпсіздік хаттамасын қайта қарауды және бақылау жүйесін күшейтуді жоспарлап отыр.
Комментариев: 0