Land Rover тағы тәжірибе жасауға кіріскенін хабарлады. Жаңа жоба Classic Defender V8 Churchill Edition деп аталады, ол кезінде Уинстон Черчилль үшін арнайы жасалған «Дефендер» стиліндегі машина. Мамандар тапсырыс беретін адам табылса, он көлік құрастыруды жоспарлап отыр. Бағасы 279 мың фунттан (201 млн теңге) асады.
Түпнұсқа Land Rover-ді саясаткер 1954 жылы сыйға алған. Машина әлі бар және Швейцариядағы автомузейлердің бірінде тұр. Мамандар оны біраз уақыт зерттеп, болашақ жобасын әрлеуге қажет мәлімет алған.
Churchill Edition жасыл шанағымен ерекше көрінеді, салоны соған ұқсас реңктегі былғарымен қапталған. 16 дюймдік дөңгелек дискісі де жасыл түсті. Сонымен қатар бампері мен радиатор торы өзгеше. Автомобильге UKE 80 символы бар жапсырма жабыстырады, түпнұсқа көліктің тіркеу белгісі сондай болған.
Марка 2012-2016 жылдары шыққан үш және бес есікті машиналарын да сәндеуге ниетті. Олар 8 диапазонды автомат қораппен жұптасқан 5 литрлік V8-бен (400 а.к.) жүреді. Компания төбесі матадан жасалған екі есікті техника да ұсынады. Оның ең арзаны 291 мың фунт (210 млн теңге) тұрады.
Комментариев: 0