Ресейлік жол талғамайтын көлікті АҚШ-та құрастыруды және сатуды жоспарлап жүрген Bremach компаниясы Америка нарығын жаулап алу үшін жалғыз ZMZ Pro (2,7, 150 а.к.) моторы аздық етеді деп санайды.
Мұны шешудің бір жолы — Bremach 4×4 SUV деп аталатын «Патриотты» V8 қозғалтқышымен жабдықтау. Моторды General Motors немесе Ford әзірлейді. Сондай-ақ опция ретінде компания механикалық беріліс қорабы бар нұсқасын ұсынады.
Екі есе қуатты мотор қойылған автомобильдің динамикасы жақсаратыны сөзсіз. Алайда бұл машинаның тұрақтылығына және өзге компоненттерінің жұмысына, әсіресе трансмиссиясына қалай әсер ететіні белгісіз. Қалай болғанда да елеулі модернизация қажет, бұл оның құнын арттыратыны анық. Нәтижесінде бағасы анағұрлым жетілген әрі жайлы америкалық көліктермен теңеседі.
Сонымен қатар Bremach Brio деп аталатын пикап шығару жоспарланып отыр. Екі модельге де 5 жыл немесе 96 мың км (60 000 миля), ал қозғалтқышқа 10 жыл немесе 193 мың км кепіл беріледі.
Комментариев: 0