Ресейлік зауыт өз өнімін АҚШ-та саудалауға дайындалып жатқанын хабарлады. Бұл жоба ресми дистрибьютор болатын Bremach Inc. компаниясының көмегімен жүзеге асады. Сертификатталған «Статус АТ» жиынтығындағы Patriot биылғы қазан айынан бері сынақтан өтіп жатыр. Ол Америкаға жалғыз кетпейді, онымен бірге «Пикап» та мұхит асады.
Дистрибьютордың ресми сайтында аталған көліктер УАЗ емес, Bremach ретінде сатылатыны жазылған. «Патриот» Taos, ал «Пикап» Brio атауын иеленеді.
Қос машина техникалық жағынан ресейлік көліктерден өзгеше. Капот астына 150 ат күшін беретін 2.7 литрлік мотор орнатылады, ол 6 сатылы Punch 6L50 қорабымен жұмыс істейді.
Taos-қа әлден тапсырыс беруге болады. Америка тұрғындары оны 26.4 мың доллар, яғни 11.1 млн теңгеге ала алады. Қазақстанда мұндай модельдің бағасы — 9.5 млн теңге. Көлікке 5 жыл (60 000 миля), ал қозғалтқыш пен автоматқа 10 жыл (120 000 миля) кепіл беріледі.
Бұл ресейлік автоөндірушінің Америка нарығына шығу жолындағы алғашқы талпынысы емес. 2018 жылы көктемде компания Мексикада машина сататынын хабарлаған. Бұл нарықтағы көліктер де атауын ауыстырды. Ол кезде Patriot Patrol-ға, ал УАЗ-2206 Bukhara-ға айналған еді.
Комментариев: 0