УАЗ экологиялық класы Еуро-0 болатын ЗМЗ-409 қозғалтқышымен жүретін автомобильдерін саудаға шығарды. Бұл агрегатты Hunter мен СГР топтамасындағы модельдерден көресіз. Еуро-5 көліктерін алуға да мүмкіндік бар, екі түрленім бағасындағы айырмашылық 20 мың рубль (160 мың теңге) шамасында.
Ресей аумағында Еуро-0 класты машина шығаруға 2005 жылы тыйым салынған. Ол кезде мемлекет ресми түрде Еуро-2 стандартына көшті. Қазір ЕЭО аумағында Еуро-5 күшінде, алайда биыл мамырда көрші елде экологиялық класы төмен техника өндіруге рұқсат берілді. Ресей мен Украина арасындағы соғыс салдарынан өндірушілердің санкцияға ұшырауы билікті осындай шара қабылдауға мәжбүр етті.
Қазақстанға класы төмен УАЗ келеді деп күтудің қажеті жоқ. Өйткені мұндай машиналар өз отанында ғана сатылады және Беларусьтен басқа еш мемлекеттің шекарасынан өтпейді.
Комментариев: 0