Тюнингтен кейін үш есе қымбаттаған Toyota Land Cruiser

Аустралияның PVS Automotive тюнинг-ательесі Toyota Land Cruiser 70-тің түрленген нұсқасын таныстырды. Классикалық модель Аустралия сияқты бірнеше нарықта әлі шығады, дизельді нұсқасының бағасы ол елде 85 мың Аустралия долларынан (29.5 млн теңге) басталады. Ал тюнерлер әрлеген машинасын 220 мың долларға (76.5 млн теңге) сатуға ниетті. Бірақ машина ешқандай механикалық өзгеріске ұшырамаған.

1 / 21

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 21

Land Cruiser-дің сырт пішіні аксессуарлар жинағының арқасында анағұрлым айбынды әрі жолсыз жерге лайық болып көрінеді. Автомобиль жаңа бампер, табалдырық және қосалқы дөңгелекке арналған қаптамамен жабдықталған. Төбедегі жүксалғыш және құрал-сайман салатын аспалы панельдің арқасында машинаның мүмкіндігі артты. Автомобиль жолсызға арналған шинасы бар құйма дискімен жабдықталған. Шанағы қорғаныш пленкасымен қапталған.

1 / 22

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 22

Интерьерінде өзгеріс көп. Салонында Recaro Cross Sportster креслосы мен жаңа Toyota Tundra рөлі көзге түседі. Сондай-ақ 9 дюймдік дисплейі бар заманауи медиажүйе орналасқан, ал жүксалғышта жылжымалы жәшік пен пикникке арналған жиналмалы үстел бар. Шеберлер жол талғамайтын көліктің интерьерін көк түсті алькантарамен қаптап, қызғылт сары реңк және көмірпластик қосымшамен әрлепті. Қауіпсіздік белдігі де қызғылт сары түсті болады.

Компания жаңа өнімге донор ретінде 204 ат күшіне ие (500 Нм) 2.8 литрлік дизельді мотормен жүретін Land Cruiser-ді алған, мұндай машина 6 сатылы автомат қорап және толық жетекті жүйемен жұмыс істейді. Тюнерлер машинаның қозғалтқышы немесе аспа бөлігін өзгертпеді. Бұл автомобиль небәрі 128 шақырым жүрген.