Тюнерлер жолсыз жермен жүретін Porsche Cayenne жасады

Неміс көліктерінің, соның ішінде Porsche 911-дің жол талғамайтын нұсқасын жасайтын Америкадағы EuroWise ательесі екінші буындағы Cayenne-ге негізделген жаңа жобасын таныстырды.

1 / 7

• 
• 
• 
• 
• 
• 
• 

1 / 7

Автомобиль бірегей карбон бастырығымен ерекшеленеді. Оның небәрі 60 данасы шығады екен. Бұл жинақпен көліктің ені 20 см ұлғаяды. Ол қысқа бампер, үлкен астын қорғағыш және бүйірдегі слайдермен үйлеседі. Кроссовер қосалқы дөңгелек ілетін кронштейн, экспедицияға арналған жүксалғыш және қосымша жарық техникасымен жабдықталған.

Мамандар Cayenne-нің аспасына арнайы амортизатор орнатты, ал дөңгелектерін BFGoodrich шинасымен қаптады. Клиренсі қаншалықты ұлғайғаны белгісіз.

1 / 3

• 
• 
• 

1 / 3

Cayenne-нің турбоүрлемді V8 қозғалтқышы жаңа турбокомпрессорлар, алдыңғы интеркулер және басқа да қажет жабдықтар алды. Соның арқасында қуаты 650 ат күшіне (1017 Нм) жетті.

Салонында қаптамасы жаңарып, Wi-Fi және жаңа атмосфералық жарық пайда болды. Жүксалғышта органайзері бар жылжымалы платформа тұр.

Компания Cayenne Ultra EVO жобасының бағасын жарияламады.