Алматыда Lexus RX 300, Lexus GS, Toyota Camry және Hyundai Sonata-ға мінген түлектер терезеден бастарын шығарып Әл-Фараби бойында сайран салған. Әл-Фараби мен Сейфуллин қиылысында оларды полиция тоқтатты. Енді жүргізуші кем дегенде Әкімшілік кодекстің 593-бабы 2-бөлігі (5 АЕК, 17 250 теңге) бойынша айыппұл төлейді.
Ақтау қаласында да осындай кортеж ұсталды. Toyota RAV4 және Hyundai Tucson жүргізушісі Әкімшілік кодекстің 590-бабы 2-бөлігі (машинаны мемлекеттік нөмірсіз жүргізу, 10 АЕК, 34 500 теңге) бойынша айыппұл арқалады. Өзге көліктегі түлектер Алматыдағы құрдастары сияқты (ҚР ӘК 593-бабы 2-бөлігі) жауапкершілікке тартылды.
Атыраулық оқушылар да «қызықтан» құр қалған жоқ. Әлеуметтік желіде видео жариялаған автор түлектер апатқа ұшырағанын мәлімдеді.
Полиция департаменті Kolesa.kz редакциясына 1 маусым сағат 12:20 шамасында Атырау — Дамба тас жолында (Қызылбалық ауылы) жол апаты болғанын растады. Бірақ рөлде мектеп оқушылары емес. Апатқа ұшырған Honda Odyssey мен ВАЗ-2114-тің түлектер кортежіне еш қатысы жоқ (Видеодан полиция мәліметі шын екенін көруге болады. Кортежде үш есікті ВАЗ-2113 жүрсе, аптақа бес есікті 2114 түскен). Апат салдарынан екі адам зардап шекті. Екеуін де Атырау облыстық ауруханаға жеткізді.
Атырау полициясы кейін бірнеше күнде машина терезесінен басын шығарып алған ондаған жолаушыны анықтағанын хабарлады. Ереже бұзған жүргізушілер Әкімшілік кодекстің 593-бабы 2-бөлігі бойынша 5 АЕК айыппұл төлейді.
Комментариев: 0