Toyota жол талғамайтын минивэн шығарады

Toyota жол талғамайтын минивэн шығарады

Марка ерекше жаңа өнімді биыл жыл аяғында таныстыруы мүмкін.

Toyota 2023 жылы көрсеткен X-Van Gear концептісін сериялы өндіріске шығаруға бел буды. Жапонияның Motor Fan басылымы жаңа өнімнің техникалық концепциясы дайын екенін хабарлады, машина қазір қолданыстағы платформаға негізделеді. Марка Mitsubishi Delica-ға бәсекелес болатын модельді биыл қазандағы Japan Mobility Show көрмесінде немесе қаңтардағы Токио автосалонында көрсетеді.

X-Van Gear концептісі жол талғамайтын дизайнымен ерекшеленді. Шоукар шанағында ортаңғы тірек жоқ, жылжымалы есік, қорғаныс бастырығы және төбедегі экспедицияға арналған жүксалғышпен жабдықталған. Сондай-ақ автомобиль футуристік модульдік интерьерімен ерекшеленеді. Бірақ Toyota модельдің ешқандай техникалық сипаттамасын жарияламады.

Енді инсайдерлер сериялы X-Van Gear Noah және Voxy моделінің платформасына негізделетінін хабарлады. Демек вэннің құрылымы жол талғамайтын көліктен гөрі жеңіл автомобильге көбірек ұқсайды. Бірақ машинаның клиренсі биік әрі толық жетекті болады. Сондай-ақ кросс-вэннің күштік құрылымы да қазір бар модельдермен ұқсас болады — 2 литрлік төрт цилиндрлі бензин мотор немесе 1.8 литрлік агрегатқа негізінделген гибрид.

X-Van Gear интерьері түрлі бейнеде трансформацияланады. Мысалы, оны ұйықтайтын орынға немесе асханаға айналдыруға болады. Жаңа Toyota экспортқа шығып, Volkswagen California сияқты модельдерге бәсекелес болуы мүмкін. Бірақ концерн бұл туралы ресми ақпарат таратқан жоқ.