Toyota жаңа RAV4-тің тағы бірнеше тизерін жариялады

Toyota RAV4-тің алтыншы буыны 21 мамыр күні Астана уақытымен 6:00-де ел алдына шығады. Уақыт жақындаған сайын бренд көптеп тизер ұсына бастады. 12 мамырда интерьерінің суреті тараған, көп ұзамай желіде экстерьерінің фотосуреті пайда болды.

Енді біз паркетниктің алдыңғы және артқы жарық техникасы, бампері және жалпы сырт пішіні қандай болатынын білеміз.

Жаңа көліктің техникалық жағы мен саудаға шығатын күні ғана беймәлім.

Машинаның күштік құрылымы 2.5 литрлік атмосфералы мотор, eCVT вариаторы мен екі электромотор және артқы осіндегі қосымша электр қозғалтқыштан тұрады деген болжам бар. Брендтің басқа модельдеріндегі мұндай агрегат шамамен 300 ат күшін береді және жүріс қоры 67 шақырымға жетеді.

Жапониядағы автосалондар RAV4-ті биыл күзде сата бастауы ықтимал.