Toyota жаңа RAV4-ті сервиске шақырады

Бренд RAV4-тің алтыншы буынын былтыр мамырда таныстырған, қарашада Қытайда саудаға шықты, қазір модельден кемшілік табылғаны белгілі болды.

Жергілікті басылымдар автомобильдегі мультимедиа кешенінің бағдарламалық жасақтамасынан ақау табылды деп жазды, салдарынан моторды іске қосқанда ортаңғы дисплей өшіп қалады екен. Қытайдағы реттеуші орган бұл өте қауіпті деп санайды, себебі жүргізуші климат баптайтын функцияларды пайдалана алмайды, айнала шолу камерасының дерегін көру де мүмкін болмайды.

Бұл жолы кампанияға FAW-Toyota бірлескен кәсіпорны өндіретін RAV4 қана емес, GAC-Toyota құрастыратын Wildlander де қатысады. 15 мың көліктің 10 922-сі — 2025 жылғы 5 желтоқсаннан 2026 жылғы 13 қаңтарға дейін жасалған RAV4, қалған 5056-сы — 11 желтоқсан мен 12 қаңтар аралығында конвейерден түскен Wildlander.

Мамандар мәселені медиажүйе бағдарламасын қайта орнату арқылы шешеді.

Біз сөз етіп отырған алтыншы буын Қазақстанға ресми келген жоқ, бірақ Қытайдан жеткізіп беретін кәсіпкерлер бар, бағасы 18.6 млн теңгеден басталады.