Toyota жаңа мотор алған ескі Land Cruiser-ді көрсетті

Toyota жыл сайын АҚШ-та өтетін әйгілі SEMA тюнинг көрмесінде жұрт назарына ұсынатын прототиптері туралы ақпарат беріп жатыр. Солардың ішінде көздің жауын алатын FJ60 индексті классикалық Land Cruiser болады.

1 / 7

• 
• 
• 
• 
• 
• 
• 

1 / 7

Автомобиль рессорлар орнатылған биік аспа және 35 дюймдік дөңгелектермен ерекшеленеді, салонында алдыңғы панельдегі планшет көзге түседі. Ол түпнұсқа интерьерге тән болмағанмен, заманауи JBL аудиожүйесінің бір бөлігі.

FJ60 қазір Toyota Tundra-да тұратын турбиналы V6 моторымен жүреді. Қазақстандықтар бұл моторды Land Cruiser 300 арқылы біледі. V6-ның қуаты 394 ат күшіне (650 Нм) тең. Қазіргі жол талғамайтын модельдерде бұл агрегат 10 сатылы автоматпен жұптаса жұмыс істесе, көрмеге баратын экземпляр 5 сатылы механикамен жабдықталады. Екі компонентті біріктіру үшін Toyota Motorsports Garage мамандары арнайы тақта жасаған.

Бұл жоба сериялық өндіріске шықпайды, бірақ көрмеден кейін аукционда сатылуы әбден мүмкін, себебі бұрын осындай жағдай болған. V35A-FTS турбомоторы мен 5 сатылы механиканың үйлесімі жол талғамайтын көлік тюнингін ұнататындардың көңілінен шықса, мұндай түрленімді Америкадағы танымал шеберханалар ұсынуы ықтимал.