Toyota тюнинг-шоуға арналған концептісін көрсетті

Toyota қарашада өтетін SEMA тюнинг-шоуына Camry-дің ерекше түрленімін дайындады. Компания стандарт седанға спорттық стиль беру үшін сырт пішіні мен аспасына өзгеріс енгізген. Қазірше Camry GT-S концепт, бірақ алдағы уақытта жағдай өзгеруі мүмкін.

Camry GT-S прототип болғанмен, дилерлік орталықтан жаңа шыққан автомобиль сияқты әсер қалдырады. Өйткені инженерлер машинаның қозғалтқыш бөлімін өзгертпеді. GT-S Camry-дің 232 ат күшіне ие гибрид күштік құрылыммен жүретін XSE AWD нұсқасына негізделген.

1 / 9

• 
• 
• 
• 
• 
• 
• 
• 
• 

1 / 9

Седанның сұлбасына спорттық стиль сыйлау үшін арнайы бастырық әзірленді, ол жаңа алдыңғы бампер, табалдырықтағы жапсырмалар және артқы бөліктегі спойлер мен диффузорды қамтиды. Диффузор арнайы жасалған газ шығару жүйесінің түтігімен қатар тұр. Шанақтың қызғылт сары мен қара түс үйлескен реңкі Inferno Flare деп аталды.

Экстерьерінен бөлек GT-S-тің жүріс бөлігі өзгерді. Camry аспасы реттелетін койловермен толықты, соған сай клиренсі 40 мм төмендеген. Стандарт тежеуіш механизмінің орнын алдында 8 поршеньді суппорты бар 365 мм диск, артында 6 поршеньді суппорты бар 356 мм дискі басты. Camry GT-S 20 дюймдік дөңгелек дискісімен жабдықталған.

Марка GT-S концептісін Camry сатып алғысы келетін клиенттерге арнап жасаған. Toyota SEMA көрмесін жаңа идеяларды сынақтан өткізіп, бренд жанкүйерлерімен байланыс орнататын мүмкіндік ретінде қарастырып отыр. Компания жиналған пікірлерді сараптап, топтаманың даму бағытын айқындайды. Тіпті қажет болса, Camry-дің GT-S концептісіне негізделген флагман нұсқасын шығаруы ықтимал.