Дүйсенбі күні Toyota Motor Corp. қазанда 627 452 автомобиль шығарғанын (былтыр осы уақытта 845 107 көлік өндірген) хабарлады. Toyota-ның әлемдік сатылымы да бір айда 20 %-ға төмендеп, 677 564 машинасы өтті. Жайсыз жаңалық Toyota акциясының 3.4 %-ға құлдырауына себеп болғанын Bloomberg хабарлады.
Зауыт жұмысының тұралауына және дайын өнімнің дилерлерге дұрыс жеткізілмеуіне микрочип тапшылығы себеп болып отыр. Компания тығырыққа тірелерін сезіп, алдын ала микроэлектроника қорын құрған еді. Бірақ ол да таусылды. Дегенмен Toyota жақын арада жағдай оңалады деген сенімде, жыл аяқталғанша ай сайын 850 000–900 000 машина өндіретін деңгейге жетуді жоспарлап отыр.
Жапониялық өзге автоөндірушілердің жағдайы да мәз емес. Nissan қазан айында барлық бөлімшеде өндіріс 22 %-ға төмендегенін хабарлады. Honda-ның өндіріс қарқыны 28 %-ға кеміді әрі мұндай құлдырау бес ай бойы жалғасып келеді.
Комментариев: 0