Toyota RAV4-ке негізделген Buddy қайта оралады

Жапонияда орналасқан Mitsuoka фирмасы Buddy кроссоверін тағы жасайтынын хабарлады, модель екі жылдық үзілістен кейін нарыққа шығады. Мамандар келер жылы тек 150 машина құрастырады.

Компания аталған көлікті 2020 жылы алғаш таныстырған. Шанағы АҚШ-тың көне жол талғамайтын модельдерінің стилінде жасалған Buddy аса танымал болды. Бірақ фирма өз стратегиясынан ауытқымай, санын шектеді. Сөйтіп төрт жылда 1200 автомобиль жарық көрді, кейін өндірісі мүлде тоқтап қалды.

1 / 10

• 
• 
• 
• 
• 
• 
• 
• 
• 
• 

1 / 10

2026 жылы мамырда Mitsuoka алдыңғы буындағы RAV4-ті қайта әрлей бастайды. Жаңа Buddy кәдімгідей жақсы жабдықталып, гаммаға бірнеше шанақ реңкі қосылады. Компания өкілдері 30 машинаны Globe One White Pearl II түсіне бояймыз деп мәлімдеді.

Buddy-ді алдыңғы бөлігіндегі шанақ панельдері, жүксалғыш есігі және хромдалған бамперінен танисыз. Одан бөлек, автомобиль ерекше винтажды жарық техникасын алады. Интерьерінде негізінен орындық қаптамасы өзгереді. Келер жылы сатылатын барлық машина 2.5 литрлік іштен жанатын қозғалтқыш пен вариатор көмегімен жүретін толық жетекті гибрид RAV4-ке негізделеді.

Күншығыс елінде модельдің ең арзаны 7 260 000 иен (25.5 млн теңге), яғни стандарт Toyota RAV4 Hybrid X-тен бір жарым есе қымбат тұрады.