Toyota Қытайда жаңа bZ7 седанын көрсетті

Компания Гуанчжоуда bZ7 индексті жаңа моделін таныстырды. Бұл әзірге концепт, әзірлеушілер техникалық сипаттамасы туралы мәлімет бермей отыр. Дегенмен жергілікті БАҚ хабарлағандай, сериялық нұсқасы нарыққа 2025 жылы шығуы мүмкін.

Бұл концепт Toyota-ның батареялы bZ топтамасындағы жаңа модельдің болжамды сырт келбетін көрсетеді. Электрокар көлбеу шатыр сызығы бар фастбэк стиліндегі ерекше сұлба, қырлы шанақ және алдыңғы жағындағы С тәрізді жарық техникасын алды. bZ7 брендтің электрлі прототиптерімен бір стильде жасалған. Toyota седанның салонын көрсетпеді.

1 / 4

• 
• 
• 
• 

1 / 4

Toyota бұл электрокарды GAC компаниясымен бірлесіп құрған кәсіпорнында құрастыруы мүмкін. Мұнда бұған дейін bZ3X және bZ4X модельдері конвейерден түскен. bZ7 де концерннің батареялы автомобильдері сияқты BYD әзірлеген күштік құрылымның бірін алады.

Toyota-ның bZ топтамасындағы электрокарларын жасайтын тағы бір серіктесі — FAW. Жақында жарық көретін жаңа өнім bZ3C кроссовері болады. Сертификат алу кезінде кейбір ақпарат белгілі болды: кросс-купенің ұзындығы — 4780 мм, ось арасындағы қашықтық — 2880 мм. Базалық нұсқасы 272 ат күшін беретін BYD моторымен жабдықталады. Бренд оны жыл аяғына дейін құрастыра бастайды.