Toyota-ның ең шағын кроссовері

Түп негізінде Daihatsu Rocky болып табылатын жаңа кроссовер жылдам әрі арзанға құрастырылды.

Daihatsu Rocky көпке таныстырылғанда маркетинг тәсілі қолданылуы мүмкін деп болжанған. Autocar India басылымы жариялаған суреттерге зер салсақ, Rocky-дің «тойоталық» бауыры трапеция іспетті торымен және өзге бамперімен ғана ерекшеленеді.

Toyota Raize-дің ресми көрсетілімі қараша айының басында өтеді, бірақ одан тосын сый күтудің қажеті жоқ, себебі көлік туралы ақпараттың барлығы оның сыңары Daihatsu-дан белгілі. Яғни, көлік қақпағының астында 98 ат күші мен 140 Нм айналу сәтін беретін бір литрлік қозғалтқыш жатыр. Raize-ді сатып алушылар 6 сатылы механиканы иеленеді және мотор гаммасында көлемі 1.5-нан 2.0 литрге дейінгі атмосфералы қозғалтқыштар және тіпті 1.8 литрлік мотор мен электрлі мотордан тұратын гибридті құрылым болады.

Қазақстанда Toyota Raize сатылмайды, себебі бұл бюджеттік көлік тек қана Латын Америкасы мен Оңтүстік-Шығыс Азия елдеріне арналған.

Комментариев: 0

Чтобы оставить комментарий, вам необходимо зарегистрироваться или авторизоваться.