Toyota 2019 жылдың аяғында Mark X седанының соңғы буынын конвейерден шығарды. Бірақ оның орнына басқа көліктің жасалатыны жайлы сөз қозғалмады. Ал енді жапониялық BestCarWeb басылымы жаңа Mark X-тің жарық көруі мүмкін екендігін хабарлады. Toyota оны Mazda-мен бірге әзірлемек ниетте.
Бұл екі компанияның бұрын да бірге көлік жасағанын айта кеткен жөн. Қазір АҚШ-та сатылып жатқан Toyota Yaris шын мәнінде Mazda2 болып табылады. Одан бөлек, 2017 жылы Toyota мен Mazda бірлескен кәсіпорын құрған болатын. Нәтижесінде «Тойота » «Мазда» акцияларының 5 %-ына иелік етеді.
Жоба туралы нақты ақпарат жоқтың қасы. Басылым берген мәліметтерге сүйенсек, Mazda машинаның платформасы мен жаңа 6 цилиндрлі бензинді моторын әзірлейді. Бірақ әзірленімнің бір бөлігі басқа жоба үшін, яғни келесі Crown-ды дайындауда қолданылуы мүмкін.
Комментариев: 0