Toyota LC Prado-ның ерекше нұсқасын көрсетті

Жақында Токиода басталатын Japan Mobility Show-дағы Toyota стенді ерекше модельдермен таңғалдыратын секілді. Солардың бірі — бесінші буындағы Land Cruiser Prado. Модель АҚШ-та Land Cruiser J250 атауымен танымал.

Сырттай автомобиль стандарт Prado-мен бірдей, бірақ салондағы рөл орнын штурвал басқан және мүлде басқышы жоқ. NEO Steer жүйесі мүмкіндігі шектеулі кісілерге арналған.

Компания NEO Steer-дің техникасына қатысты еш ақпарат бермеді, бірақ ол кезінде Lexus RZ-ке орнатқан электр көмегімен қашықтан басқару кешенінің жетілген түрі екені анық. LC Prado салонындағы штурвал жүргізу ғана емес, жылдамдықты қадағалау, тежеу қызметін де атқарады.

Бренд жаңа көлік пен NEO Steer туралы толық мәліметті 26 қазан мен 5 қараша аралығында өтетін Japan Mobility Show көрмесінде жария етеді.