Toyota Land Cruiser Prado-ға орнататын моторлар

Toyota жаңа буындағы Land Cruiser Prado-ны 2 тамызда таныстырады, бірақ жапон инсайдерлері Аустралиядан келген мәліметті растап, көлік моторы туралы ақпарат берді. Жол талғамайтын көліктің бензинді және дизельді қозғалтқышы сақталады, бірақ қымбат түрін гибридпен жабдықтайды.

Жаңа автомобиль «Прадоның» бензинді (2.7 л), дизельді (2.8 л) екі төрттігін алады. Жетілген агрегаттың қуаты мен тарту күші артып, жанармайды аз тұтынады.

Концерн барлық жол талғамайтын көлігін біртіндеп ірі қозғалтқыштан арылтып жатыр, бұл Land Cruiser Prado-ның да мотор гаммасы өзгереді деген сөз. Жаңа модельде V тәрізді мотор болмайды, Lexus GX-ке 3.5 литрлік V6-ның өзі арман болатын сияқты. Оның орнын 2.4 литрлік турбомотор және жалпы 371 ат күшін беретін электроқозғалтқыш басады, артқы дөңгелек электр қуатымен қозғалады.

Prado-ға турботөрттікті жеке агрегат ретінде орнатқанда, мотор 279 ат күшін береді. Электрленбеген нұсқалар төмен беріліс функциясы бар толық жетек жүйесімен және 6 сатылы автоматпен жабдықталады.

Land Cruiser Prado-ның көлемі жаңа Lexus GX-пен бірдей, бірақ шанағы ретро стилінде, интерьері өзгеше болады. Кроссовер Жапонияда биыл күздің ортасында сатыла бастайды. Бағасы — 4-7 млн иен (12.6-22.1 млн теңге).