Toyota Land Cruiser 70 гибрид болуы мүмкін

Toyota Land Cruiser 70 1980 жылдардың ортасында жарық көрген, концерн оны Аустралия мен тағы бірнеше елде сатады. Аустралиядағы компания бөлімшесінің вице-президенті Шон Хэнли модель болашақта гибрид болуы мүмкін деді.

Қазір жол талғамайтын көлік 205 ат күші мен 430 Нм момент беретін 4.5 литрлік V8-бен жүреді. Бұл машинаны тізгіндегісі келетіндер өте көп екенін ескерсек, жұртқа бәрі ұнайтын сияқты. Алайда Toyota көне модельдің өзін экостандартқа сай жасауға тиіс.

Бренд өкілдерінің сөзінше нарық мотор жаңартуға дайын, мұны Land Cruiser 300 дәлелдеді. Көлік V8-ден арылды деп бас тартып жатқан ешкім жоқ. Сондықтан басқа модельге де осы тәжірибені қолдануға негіз бар. Хэнли крузактың агрегаты бұрынғы қасиетін жоғалтпаса, сатып алушылар оның типіне мән бермейді деп мәлімдеді.

Осылайша, Toyota Land Cruiser 70 гибрид күштік құрылым үшін ірі дизельден арылатын сияқты.

2020 жылы жол талғамайтын машина жаңарған, бірақ ол кезде шеберлер күштік құрылымына тиіспей, 6.1 дюймдік экраны бар медиажүйе орнатты.