Toyota Land Cruiser 300 қуатты гибридке айналды

Toyota Land Cruiser 300 топтамасы жаңа модификациямен толықты. Автомобиль бұрын жарық көрген Lexus LX 700h-тің күштік құрылымын алды. Әмірліктегі ең қуатты нұсқа атанған гибридке тапсырыс қабылдау басталып кетті. Land Cruiser 300 Hybrid-тің бағасы мұнда кемінде 389 900 дирхам (54.3 млн теңгеге жуық) болады. Дәстүрлі 4 литрлік V6 моторы бар модель 238 900 дирхам (33.3 млн теңге) тұрады.

Гибрид 3.5 литрлік V6-мен және 10 сатылы автоматпен жабдықталған, олардың арасында электрлі қозғалтқыш бар. Агрегаттың қуаты 457 ат күшіне (790 Нм) тең. Бұл Lexus LX 700h-тің көрсеткішінен төмен.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Басқа техникалық сипаттамасы әзірге жарияланған жоқ, тек 100 шақырымға 10.9 литр отын тұтынатыны белгілі. Toyota гибрид қондырма автомобильдің жолсыз жермен жүру қабілетіне еш әсер етпегенін атап өтті. Күштік электроникаға су кірмейді, істен шықса, машина бензинмен жүре береді.

Әмірлікте Land Cruiser 300 Hybrid басқаша алдыңғы бампер мен арнайы тақтайша алады. Алдыңғы бөлігі өзгерген GR Sport модификациясы да шығады. Компания жол талғамайтын көлікті БАӘ мен Аустралиядан басқа елдерде сата ма, жоқ па, әзірге белгісіз.