Toyota Еуропаға арнап жаңа электрокар жасады

Компания жаңа Urban Cruiser электрокарын таныстырды. Бренд модель Urban SUV концептісіне негізделген дейді, шын мәнінде бұл өңі өзгерген Suzuki e-Vitara кроссовері, тіпті күштік құрылымы дәл сондай. Машина саудаға қашан шығатыны нақты айтылмаған, бірақ өндірісі наурызда басталады деген жоспар бар.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Өлшемдері — 4285×1800×1640 мм, дөңгелек базасы — 2.7 метр. Urban Cruiser-ге 19 дюймдік дискілер орнатқан. Toyota-ның Еуропадағы топтамасында бұл көлік Yaris Cross-тан сәл жоғары орналасады. Өлшемдері ұқсас, бірақ ось арасындағы қашықтық үлкен болғандықтан салоны кеңірек болады. Экстерьері бір платформадағы модельге ұқсас болғанымен, алдыңғы бөлігінен Toyota-ның қазіргі дизайны көрінеді.

Интерьеріндегі айырмашылық тек әрлеу материалында. Urban Cruiser қырлы рөлмен, алдыңғы панелі өзіндік ауа өткізгішпен жабдықталған. 10.1 және 10.25 дюймдік дисплейі бар медиажүйе бар. Екі деңгейлі ортаңғы тоннелі шайба алған. Жабдықтар тізіміне панорамалы шатыр, JBL акустикасы, 12 түсті атмосфералы жарық және айнала шолу камералары кіреді. Артқы орындықты жылжытып, жүксалғыш көлемін ұлғайтуға немесе жолаушылар орнын кеңейтуге болады.

1 / 7

• 
• 
• 
• 
• 
• 
• 

1 / 7

Базалық нұсқасы алдыңғы осьтегі 144 ат күшін және 189 Нм момент беретін бір қозғалтқышпен жүреді, 49 киловаттық литий-темір-фосфатты батареядан қуат алады. Орташа нұсқасы 174 ат күшін беретін мотормен және 61 кВт·сағ аккумулятормен жабдықталады. Ең қымбат комплектацияның артқы осінде қосымша қозғалтқыш тұрады, онымен қуаты 184 ат күшіне (300 Нм) дейін артады. Жүріс қоры туралы ақпарат жоқ.

Toyota-ның Еуропадағы электромобиль нарығына орнығу стратегиясы 2026 жылға қарай 15 жасыл модельден тұратын топтама құруды көздейді. Ал 2035 жылға қарай Еуропада іштен жанатын қозғалтқышқа тыйым салынса, компания қоршаған ортаға зиян келтірмейтін модельдер ұсынуға ниетті.