Компания ірі Century кроссоверіндегі жаңа механизмнің жұмысын көрсететін ресми суреттер жариялады. Артқы бүйірлік әйнектердің жарық өткізгіштігін батырмамен реттеуге болады. Бұл ерекше опция қанша тұратыны нақты айтылмаған, бірақ екі жыл бұрын жарық көрген кроссовер Жапонияда 2 млн иен қымбаттап, бастапқы бағасы 27 млн иенге (96.7 млн теңгеге жуық) жетті.
Электрохромды әйнектің толығымен тұнық, жартылай тұнық және күңгірт болатын үш жұмыс режимі бар. Жартылай тұнық режимде салонға жұмсақ, шашыраңқы жарық түседі. Суреттерден күңгірт режимде жарық түсетінін, бірақ әйнек қараңғыланбайтыны байқалады. Реттелетін әйнектер Toyota Century-дің артын жайлы етіп, жолаушыларға сырт көзден таса қалуға мүмкіндік береді.
Toyota суреттерді енді ғана жариялағанымен, жаңа опция туралы ақпарат 2023 жылы шыққан. Жапониядағы AGC компаниясы жобалаған бұл технология Digital Curtain деп аталады. Әйнек қабаттарының арасындағы арнайы материалдан жасалған пленка оның тұнықтығын реттейді. Құрамындағы микробөлшектер электр тогының әсерінен орнын өзгертіп, жарық өткізу деңгейіне әсер етеді. Компания бұл технология ультракүлгін сәуленің
AGC жаңа әйнек қолайсыз ауа райына және жиі ашып-жапқандағы механикалық жүктемеге төзімді дейді. Мұндай технология жылжымалы әйнекте бірінші рет қолданылып отыр, бұрын тек төбедегі әйнекте болған.
Toyota