Toyota Camry — Ресейге параллель импорт арқылы ең көп кірген көлік

2022 жылы Ресей-Украина соғысы басталған соң әлемдік өндірушілер РФ нарығынан кетті. Бірақ өнімдері бұл елде әлі сұранысқа ие.

Drom.ru «Автостат» агенттігінің есебінше 2024 жылы Ресей аумағына балама импорт арқылы 181.2 мың автомобиль өтіпті, оның 53.5 %-ы әлемдік бренд модельдері деп жазды. Қалған 46.5 %-ы жеке және заңды тұлғалар жеткізген Қытай маркалары.

Ең танымал 3 автомобиль — Toyota Camry (5.9 мың), Toyota RAV4 (5.3 мың) және BMW X5 (3 мың).

Бірақ Toyota-ның былтырғы саудасын 2021 жылғы көрсеткішпен салыстыруға келмейді. Ол кезде Ресейде 31 983 Camry, 38 441 дана RAV4 өткен. Оларды Санкт-Петербургтегі зауыт құрастыратын.