Toyota Camry 2025 жылдың үздік көліктері қатарына кірді

Toyota Camry 2025 жылдың үздік көліктері қатарына кірді

Consumer Reports басылымы түрлі кластағы ең үздік машиналардың рейтингін жасады.

Сенімділікпен байланысты рейтингтерімен танымал Consumer Reports басылымының сарапшылары Top Picks деп аталатын тізімді жариялады. Оған сатып алуға ұсынылатын негізгі сегменттердегі топ-10 автокөлік енді. Ішінде жеті модель жапон брендтеріне тиесілі.

Nissan Sentra шағын седандар арасында ең дұрыс таңдау деп танылса, орта өлшемді седандар санатында Toyota Camry алға шықты. Ең көрікті электрокар — Tesla Model Y, ал үздік шағын пикап Ford Maverick болды.

Жапония өндірушілері тек біреуін қоспағанда, кроссовер сегментінде де көш бастап тұр. Ірі премиум модельдер арасында BMW X5 сатып алуға тұрарлық автомобиль атанды. Басқа секторларда Subaru Crosstrek пен Forester, гибрид Toyota RAV4 пен Highlander және Lexus NX топ жарды.

Басылым таңдау барысында өз сынақтарын ғана емес, автокөлік иелерінің пікірлеріне негізделген сауалнама нәтижесін ескерді.