Әлемде орта көлемді седан сатылымы төмендеп жатқанына қарамастан, Toyota осы сегменттегі басты моделі Camry-ді жалғасты дамытады. 2022 жылы мынадай жаңартулар болады:
1. Nightshade Edition зауыттық тюнинг-пакеті гибрид түрленімге арналған. Ол 18 дюймдік қара түсті дөңгелек дискісі, төбеде сол түстес антенна, фирмалық тақтайша және жылтыр қара есік тұтқасы мен сыртқы айна қақпағын қамтиды. Camry Hybrid топтамасы бес кіші түрленімнен тұрады, атап айтқанда: LE, XLE, SE, XSE және SE негізіндегі жаңа Nightshade.
2. Toyota Safety Sense 2.5+ қауіпсіздік пакетіне бейімді круиз-бақылаумен жұмыс істейтін алысқа түсетін жарықты автоматты басқару және жол белгілерін тану көмекшісі (RSA) қосылады. Ол RSA-мен бірге жылдамдықты белгіленген шекке сай басқарады.
3. Артқы орын туралы ескерту жүйесі (ол жерде бала қалып қалса) енді екі аймақты климат-бақылау (TRD нұсқада үш аймақты) және жаңарған мультимедиа экранымен (7 немесе 9 дюймдік) бірге модельдік топтамадағы барлық нұсқада қолжетімді болады. XLE және XSE-де 10 дюймдік реңді тачскрин бар. LE, SE және XSE комплектацияларына енді Ice Edge түсінде тапсырыс беруге болады.
АҚШ-та жаңарған модельдің 2.5 литрлік төрт цилиндрлі бензинді мотор қойылған (209 а.к. және 252 Нм) ең арзан нұсқасы 25 295 доллар тұрады. Қазақстанда 150 ат күшін беретін 2.0 литрлік моторы бар Camry-ді кем дегенде 12.64 миллион теңгеге (29 300 долларға) сатып алуға болады. 3.5 литрлік қозғалтқыш қойылған «Люкс» немесе GR Sport бағасы 20-21 млн теңгеден басталады. Толық жетекті Camry мен гибрид біздің елде сатылмайды.
Жиынтық түрлері мен бағасын Kolesa.kz қосымшасындағы «Салонда тұрған жаңа автокөліктер» бөлімінен қарауға болады
Комментариев: 0