Toyota АҚШ-та батареялы Land Cruiser мен RAV4 жасайды
Жаңа электромобильдер 2027 жылы жарық көруі мүмкін.
||1360
Авторы: Дмитрий Елизаров
Компания АҚШ-тағы зауыттарының біріне арналған өндірістік жоспарын жариялады. Reuters хабарлағандай, мұнда үш қатарлы салоны бар екі жаңа электрокар шығады. Агенттіктің дереккөздері жаңа өнімдер қазіргі RAV4 пен Land Cruiser-дің баламасы дейді. Уақыт өте келе қатарға жаңа батареялы модельдер қосылады.
2023 жылы бренд Land Cruiser Se деп аталатын электрлі крузактың прототипін көрсеткен. Ол көтергіш шанақ алып, іс жүзінде кроссовер болды. Дегенмен CarBuzz басылымы Toyota жергілікті нарыққа рамалы электрлі жол талғамайтын көлік шығаруды көздеп отыр деп болжады. Автомобиль классикалық схемаға негізделгендіктен жолсыз жерде жүре алады. Басылым кейін Toyota осы платформада электрлі пикап жасайды деп топшылады. Осылайша концерн жаңа сегментке артық шығынсыз кіреді.
Toyota Land Cruiser Se
Қазіргі RAV4-тің орнын басатын кроссоверге келсек, жаңа электромобиль қолданыстағы модельден сәл үлкен болады. Өйткені АҚШ-та ірілеу Highlander бар, алдағы уақытта ол да батареялы болуы мүмкін.
АҚШ нарығында токпен жүретін Toyota топтамасына bZ кроссовері мен оның bZ Woodland деп аталатын үлкен модификациясы және шағын C-HR паркетнигі кіреді. Бұған дейін концерн екі-үш жылда жеті батареялы өнім қоспақшы еді, бірақ электромобиль нарығындағы жағдайға байланысты бұл жоспарын қайта қарауы ықтимал.
Комментариев: 0